ЗЫЗМЫЩӀЭЖ
Быркъуэ шыркъуэу
Къуэбэ бжьабэ,
Пхьэшэжьу
Къэмыщӏытэж,
Пӏэ имзагъэу
Къэкӏухьлъакъуэжь,
Зыкъизысэу
Зыкъизытэ:
Умгузавэ
Уэ гузэвэж.
Гузэвэгъуэм
Ныпхуегъазэ.
Шхэ щӏыфэр
Мэтӏэхъуэфахъуэ.
13.06.2026
KÖRENDAŞ
ХЭТӀЭ ХЭСЭ, ХЬЭМЭРЭ ХАСЭ?
ХЭТӀЭ ХЭСЭ, ХЬЭМЭРЭ ХАСЭ?
ЕмыкIукъэ!
Уи цӏыхум лъэпкъым щхьэ игъэӏу
И макъыр тхьэкӏумэ-дэгъэлэл пщӏыныр,
И лэжьыгъэм лажьэ теплъхьэн!
Щӏэныгъэр фгъэпыудурэ
Уардэ дыфщӏыну Адыгэр?!
Адыгэ фащэ зыщыфтӏагъэурэ
Фыкъафэурэ фыджэгурэ
Адыгэ фхъуа фызыфӏэщӏижрэ!?
Адыгэри Адыгагъэри
Фоупцӏэныр пцӏэнабзэу.
Щӏывотӏэр ди тхыдэжьыр
Щӏывотӏэр дэ ди пэжхэр.
Фогъэпыуд, фымгъэгушхуэу
Дэ ди цӏыхум щысхь фимыӏэу.
Напцӏэщ жыфӏэр фынапцӏэщ фэ
Фопцӏэкӏ лъэпкъым
Фылъэпкъ гъэкӏуэдщ.
Маргъущ Везир
31.05.2026
ДЖОРЧ ХУЭДИЗ ТХЪУФАКЪЫМ
ДЖОРЧ ХУЭДИЗ ТХЪУФАКЪЫМ
Щӏэжокъуэ Зафер и тхылъым седжэ пэт сигу къэкӏижащ Джорч.
Ар ди къуэжэ хьэт, абы къыщымынэу Адыгэ хьэт, абы къыщымынэу хьэ сурэт ихьа зы Адыгэт а хьэр.
Джорч Адыгэбзэкӏэ нэхъ упсалъэу пхуидэтэкъым. Къыуэбэнт, ухигъэзыхьт. “Джорч увыӏэ./Джорч делэ ухъижа? /Джорч сэращ…” жыпӏэу Адыгэбзэ зэхомгъэхмэ узэпкъыритхъыным хуэдэу къэгубжьт. Адыгэбзэр зэрзэхихыу банэр щимгъэтми къыпкӏэрыкӏижт. Къуажэм хамэ къызэрдэхьэу я макъ зэрзыхиху жэти ирихужьэт. Дэ “Кӏэрыкӏ Джорч!” жытӏэуэ тхуэмгубжьмэ якӏэрыкӏтэкъым.
Джорч гъэфӏауэ, псори ирихужьэу ауэ ипэкӏэ унэгъу сыщыбгъэдэмхьэуэ щыт махуэ гуэрэм я пщӏантӏэм пэунэгъу унэ гуэрэм сыкӏуэн хуеящ. Зы баш кӏыхь къасщтэри сыздэкӏуэнум сынэсакъэ жысӏэ пэт хьэр дэнэ къихуами къакӏуэри къызжьэхэлъащ. Сэ башымкӏэ ӏусхуну согъэсыс ауэ и дзэмрэ башымрэ зэблофтыкӏ щхьэ шынэкъым. Сигъэгужьеипау си зыныбжьэгъу къыкъуэкӏри нывэ щидзым хьэр тӏэкӏу икӏуэтащ. Сэри сепхъух щэби нывэ къэсщтэри хьэм сеуащ. Хьэр пщӏори банэурэ тӏэкӏу ӏукӏри сытми сыкъелащ.
Адрей махуэр къурмэн е хьидт. Я пщӏантӏэм и унэгъу бжьэпэмкӏэ дехынути “Сэ Джорч къысхуигъэгъункъым сызэреуар.” жоуэ сегупщысри си жыритӏым нывэ тӏурытӏ ислъхьащ. Бжьэпэмкӏэ тӏэкӏу дехри мис къэкӏуакъым жысӏэу сыщытрэ пэт сеплъамэ Джорч къысбгъэдохьэ. Си зы жыпым си зы ӏэр исхуэри нывэхэр сыубыдащ сызэрнуэнум хуэдэу. Адре си ӏэр сышийри.”Джорч лӏо узыхуейр? “жысӏащ. Хьэр къызэпэмыурэ скъиуфэрэзыхьа нэужь и щхьэм ӏэ дэслъащ. Тӏанэ и кӏэр игъэкӏэрахъуэри ӏукӏижащ.
Абы щыщӏэдзауэ си ныбжьэгъушхуэ хъуащ. Къуажэм зызгъэпсэхуну сыкъэкӏуэжу сыщежьэжыну махуэм нэс къэкӏуэурэ ӏусащ ди бжэӏупэм. Еджапӏэм сыкӏуэжмэ и унэ кӏуэжт. Къуажэм сыдэкӏыу къэскӏухьыну сежьэмэ си гъусэт. Гъэщӏэгъуэныр аращи шхын хуэбдзмэ ишхьэкъым. “Джорч пшхын?” жоуэ хуэмурэ бгъэдэплъхьэмэт ептыр щишхыр.
Щӏымахуэ махуэ гуэрэм ди пхъурылъхум дей дыӏутт. Уэс телът. Зы гуэрхэм депэщэщт. Зы джэду шыр цӏыкӏу блыным дей щыст. Джорч абы епхъуэну зыщыричым сыхуилъри ӏукӏащ. Джэдури тӏэкӏу ӏусхури сыбэлэргъауэ Джорч къакӏуэри джэдум епхъуащ. Тӏанэ джэдур иудыныщӏэри къыщехуэхым и ныбэр къиуащ.
Тӏанэ Джорч сщыхуэгубжым къызэплъащ ауэ ар сыт еплъыкӏэ! Цӏыхум хуэдэу укӏытат. Тӏанэ Джорч Ӏукӏ мыде жысӏэри жыжэу ӏукӏащ. Зы мазэ хъухукӏэ Джорч жыжэ щытурэ, къызэмкӏуалӏэу дэнэ сыкӏуэми нэкӏуащ. Сепсэлӏакъым. Ауэ зы мазэ нэужьым “Джорч къакӏуэ!” жоуэ сыщеджэм жэурэ къакӏущ, си дамэм и лъэкъуитӏымкӏэ сыкъыдыриупсеящ. Сызэпимэхьащ, и щхьэр къысщихъуащ. И нэхэр къигуфӏыкӏижащ.
Джорч щыпсэум псэури нэхъ ӏэфӏт…
Маргъущ Везир
26.5.2026
Daha azını gör
ГЪУНДЖЭ
ГЪУНДЖЭ
Соплъэр гъунджэм
Къищыр сэракъым
Къызолъ хамэ гуэрэри
Си щыпэ лъагъущи а слъагъур
Сэри соплъижыр хэт ар жоуэ…
Сыкӏуэдащи зызгъуэтижкъым
Сызэщхьыр зыӏисри къысхуэщӏэжкъым…
Хамэщ уэрамри
Хамэщ цӏыхухэри
Самылъауу къызкӏуэцӏыроплъхэ.
Янэскъым си макъыри,
Янэскъым си ӏусэри…
Сщымыӏауэ пӏэрэ щӏылъэм
Е псори зы фӏэщӏыгъэт?
Сызфӏэӏуэхукъым сызфӏэкӏуэдащи
Сызхуэзэжымэ сыт къэхъунур:
Дызэблэкӏыу дежьэжыну,
Е зы гъунджэм дкъыздищыну?
Маргъущ Везир
5. 4.26
БЗУ
Шыпсэ ЦIыху
БЗУ
Зы пщы гуэрэ щыӏэти зыри яхуишхтэкъым. Къуищ иӏэти изыкъуэм бзу къиукӏри фӏигъэжти бзум:
– Си пэм лъы къокӏ.
жиӏат жи.
Тӏанэ къихьри яфыщӏти:
– Бацэ сопхъ, цы сопхъэж.
Жиӏат жи.
Тӏанэ ягъажьэти:
– Си бгыр нафӏэм изогъэу.
Жиӏат жи.
Иужькӏэ пщым ирагъэшхти:
– Пщым и ныбэр гъуэ сощӏ.
Жиӏат жи.
Тӏанэ зэришхыу пщым ныбэуз къыхуэкӏуэри :
– Модэ къубгъэныр къызэфт.
жиӏащ жи.
Тӏанэ гъутхьэкӏуэ щыкӏуэм бзур къилъэтри ежьэжри жыгым къыпытӏысхьэри:
– Пщым и пхэр слъэгъуащ, пщым и пхэр слъэгъуащ!
Жиӏащ жи.
Къэрабэ Гулиназ, Дурйэ, Мерал зэдыжаӏэжащ Адана къалэ
Зытхар:Маргъущ Везир
10.5.1996 Мэрем
КХЪУЕЙМ ХЭПЦӀЫХЬА ДГЪУЖЬЫР
ШЫПСЭ ЦӀЫКӀУ
КХЪУЕЙМ ХЭПЦӀЫХЬА ДГЪУЖЬЫР
Зы фыз гуэрэм кхъуей хихыну шэр зэридзати зы дгъужь къакӏуэри имыщӏу шэм къыхэхуэри хэпцӏыхьащ. Ари я нанэм кхъуей хихыри мэшауэ куа и къуэхэм гъуэмылу яритащ. Ари жыг лъабжьэм щӏэтӏысхьауэ яшхти кхъуейр къыщыпачым дгъужьыр къыдэлъэтри щыщӏэпхъуэм я дадэм шэмэджыр щидзым и пхэм иуащ. И пхэм щиуэм къижыхьурэ амбатищэрэ атэщийрэ пиупщӏри псомэ тхъэжу къэнэжахэщ.
Къэрабэ Гулиназ, Дурйэ, Мерал зэдыжаӏэжащ Адана къалэ
Зытхар:Маргъущ Везир
10.5.1996 Мэрем
ATLARIMIZA BİNECEĞİZ
ATLARIMIZA BİNECEĞİZ
Kimse bizim için birşey yapmayacak
Kimse bize al senin olsun demeyecek
Masal vatanımızda atlılar da yok ki gelsin
Bileğimiz ve alınterimiz yaratacak
Özlediğimiz Çerkes iklimini
Beklediğimiz atlı da kendimiziz aslında
Ata binmeyi yeniden öğrenip
Süreceğiz atlarımızı
Kendi güzel geleceğimize
24 Tem 2011 00:14
Marguş Vezir
HAK
HAK
Hak, almayı bileninse ve almanın bir yolu varsa o yolu bulacağız ve hakkımızı da elbet söke söke alacağız.
Boyun eğmedik, eğmeyeceğiz.
Her şey sizden yana görünebilir ancak yüreğiniz yok.
Benim halkım kazanacak ve ona kazdığınız karanlıklar mezarlığını yırtıp çıkacak.
Görmemek, duymamak en büyük düşmanlık ve görmezden, duymazdan gelerek ilan ettiniz dost olmadığınızı.
Görmediğinizi gözünüze sokacağız, duymadığınızla kulağınızı yırtacağız Yetmezse… yeteni de bulacağız…
27 May 2014 00:28
Marguş Vezir