«Черкесия Федера́льный о́круг» Ухуэн Iуэхугъуэ
Умылъагъу зыпщI Iуэхугъуэхэр езыр езырурэ зэфIэкIкъым. Зи бжыгъэм и 90%ыр хэхэс хъуа зы лъэпкъым и хэкум и цIэщ Черкесияр. Нобэ уеплъымэ мы щIыналъэм зейуэ щыт Адыгэ лъэпкъым нэхри нахъыбэ пэмыщI лъэпкъхэр исщ Черкесиям.
Адыгэр зыхуейр аращи и хэку патхъу зыхафыщIа и лъэпкъэгъухэр я хэкубжэр хузэIухау я къэкIуэныр мамырыгъэм тету гъэпсынщ. Черкесия ис адрей лъэпкъхэри Адыгэм я хэку егъэгъуэтижын Iуэхум къекIуалIэкъым нобэкIэ Адыгэр къекIуэлIэжмэ языхэр зэхэзейхуэ зерыхъун шынагъэ зэреIэм папщIэ.
Адыгэр зауэрэ банэрэ хуейкъым. Адыгэр зыхуейр аращи я хэку зэхэфыщIам ис лъэпкъхэр зэхэзейхуэ мыхъуу языхэми я хэку ягъуэтижыфын амалыгъуэщ. Я щIыгуу щыт Черкесияр нобэ абы ис лъэкъхэм я бжыгъэм иралъытэурэ щIыгу гуэшын Iуэху сытым зыри пэмылъу Адыгэ Iуэхур зэфIэхын щхьэ Черкесияр зи псупIэ хъуа адрей лъэпкъхэри я телъхьеуэ зэфIэхынращ. Хэти и псоуафэр щихъумэжыф РФм изы гуэхьэгъуэ зы федерациегъуэу и пщэдейм хуэкIуэнращ зыпылъыр.
Нобэрей республикахэр зэхэмкъутэу Черкесияу щыта щIыпIэ псор къыхэзубыдэ зы Федера́льный о́круг ухуэн Iуэхур РФм и пщэдеймрэ Адыгэм и пщэдеймрэ щхьэ хэкIыпIэщ. Адыгэу хэхэс псори мы о́кругым и дэнэ щIыпIэи щыпсоуфын, ахэм я Iуэхухэр зэфIэсхын, мамырыгъэм тету я хэку егъэгъуэтижын Iуэхур къэралыгъуэ Iуэхуу мы о́кругым и унафэщIхэм хабзэм трагъувэн хуейщ. МыпхуэдэкIэ мамырыгъэмрэ зыужьыныгъэмрэ зэдэкIуэтэнущ. Мы о́кругым икIи Адыгэ Iуэхур зэфIэхын икIи лъэпкъхэр зэфIэмкIуэду зэдэпсоуным и гъэзэщIэныгъэр къэлэн нэхъыщхьэу игъэзэщIэн хуейщ.
Нобэрей Европэм къыщагъэхъу псоукIэ дахэр къэзгъэхъун къэрумрэ еплъыкIэмрэ Адыгэм тхэлъщ. Урысхэми адрей лъэпкхэми Iуэхур къыддаIыгъмэ дыгъуасэм и уIагъэхэр зэдэдгъэхъуижыфынущ. Дызышышынэрэ дызыIущтыкIыурэ Iуэхум дахэкIэ кIэ едгъэгъуэтыфынукъым. Дыгъуасэм и пэжыгъэмрэ нобэр зэрыт щытыкIэмрэ мамырыгъэм тету зэдедгъэкIун хуейщ.
Маргъущ Везир
25.04.2021
01:44